Tapasada ma Rohatta

Friday, June 24, 2011 13:48

Hamu amang
Hamu Inang
Denggan Bege hamu
Denggan Peop hamu
angka poda ni opputa
sijolo jolo tubu
Asa unang Gabe lilu rohamu
Sian dalan nasintong
Sian dalan natigor

Mansai godang ditanoon
Namasa da amang
Namasa da inang
Ima angka parukkilon
Nang dohot parmaraan
Asa tung marmanat
Hita on sude tu joloanon

Nunga lam matua be portibion
Ai nunga lam manjonok be ajal ni jolama
Ganup tongkin do sai ro pangunjunan
Tu angka jolma na di tano on

Dohot do muse na parporangan
namambaen hapir hapir rohani jolma
Ro muse ma angka sahit patimbohon hadabuan
Pabagasson sitaonon naso tarhatahon i

Sai nadenggani ma taulahon
Asa sahat na sinakkap ni rohatta
Tapasada ma rohatta tapaunduk ma diritta
Asa dapot hita hasonangani

Kamu dapat meninggalkan komentar dibawah ini.

Tinggalkan Komentar